செப்டம்பர் 4 - சென்னை யூத் பதிவர் சந்திப்பு!

                                                                           

"ஹல்லோ..சென்னைல (பிரபல/சீனியர்) பதிவர் சந்திப்பு மட்டுமே நடக்குற மாதிரி ஒரு பீலிங் இருக்கே. எப்பதான் 'சென்னை யூத் ப்ளாக்கர்சுக்குன்னு ஸ்பெஷலா ஒரு மீட் ஏற்பாடு பண்ணப்போறீங்க?"

இப்படி ஏகப்பட்ட போன் கால், எஸ்.எம்.எஸ்.ன்னு பல்முனை தாக்குதல் நடத்தும்  யூத் ப்ளாக்கர்ஸ் ஆசையை நிறைவேற்ற வரும் செப்டம்பர் 4 - ஆம் தேதி சண்டே சென்னையில் பிரம்மாண்ட(!) யூத் ப்ளாக்கர்ஸ் மீட் நடத்த ப்ளான் பண்ணி இருக்கோம். சென்னையின் ஆசியாவின் பதிவுலக யூத் பிரத(ம)ர் கேபிள் ஷங்கரும், சென்னை வலைப்பதிவர் குழுமத்தின் UN-OPPOSED தலைவர் கே. ஆர்.பி. செந்திலும் பட்டாக்கத்தி முனையில் எங்கள் இளைஞர் குழுவை   மிரட்டி 'அசல் யூத் நாங்க இல்லாம எப்படி இந்த மீட்டிங்கை நடத்தறீங்கன்னு பாக்குறோம்'என்று இரட்டைக்குழல் துப்பாக்கியாக கர்ஜித்ததால் வேறுவழியின்றி அவர்களை சிறப்புரை ஆற்ற அழைத்திருக்கிறோம். 

                                                                        

 ப்ரோக்ராம் ஹைலைட்ஸ்:

* புதிதாக ப்ளாக் எழுத நினைப்பவர்களுக்கு அதிரடி பயிற்சி அளிக்கப்படும்.

*குறுக்கே புகுந்து எசகுபிசகாக கேள்வி கேட்பவர்களை கண்காணித்து அவர்கள் பதிவிற்கு ஓட்டு போடாமல் இருப்பது, அப்படியே போட்டாலும் மைனஸ் ஓட்டு மட்டுமே போடுவது என தீர்மானம் நிறைவேற்றப்படும்.

* இது செம யூத் பதிவர் சந்திப்பு என்பதால் கோடுபோட்ட சட்டை, இன் பண்ணுதல், கருப்பு ஷூ போன்ற முன்னோர்களின் உடுப்புடன் வருபவர்கள் குண்டுக்கட்டாக/ஒல்லிக்கட்டாக தூக்கப்பட்டு வாசலில் நிறுத்தப்படுவர். டி ஷர்ட், (முக்கா) ஜீன்ஸ் என ரகளையாக வரும்படி கேட்டுக்கொள்கிறோம்.

* உணர்ச்சிவசப்பட்டு மைக்கை கடித்து துப்புதல், பிடிக்காத பதிவர்களை கண்டதும் ஓங்கி குரல் எழுப்புதல்/தூக்கிப்போட்டு மிதித்தல், 'நல்ல விஷயமே எழுத மாட்டீங்களா?' என்று நெற்றிக்கண்ணை திறத்தல் என எதை வேண்டுமானாலும் செய்யுங்கள். ஆனால் உடைந்த பொருட்கள், கிழிந்த சட்டைகள் என அனைத்திற்கும் அபராதம் செலுத்தாமல் எஸ்கேப் ஆகலாம் என்று மட்டும் மனப்பால் குடிக்காதீர்கள். இதை சமாளிப்பதற்கென்றே பயங்கர பல்க் ஆன ஜிம் பாய்களை ஆர்டர் செய்து உள்ளோம்.

* பெண் பதிவர்களுக்கு சிறப்பு சலுகைகள் அளிக்கப்படும்.

* "அன்பார்ந்த பதிவுலக நண்பர்களே" என்று பேசுவது, கையை கட்டியவாறு பவ்யமாக உட்காருவது போன்ற பார்மாலிட்டிகளை பின்பற்ற 144 தடை உத்தரவு போடப்படும்.

* ப்ளாக்கர்ஸ் மீட்டிங்கில் நடந்ததை பற்றி பல அத்தியாயங்கள் பதிவு எழுத நினைப்பவர்கள் (ஒருநிமிடம்.... நாஞ்சில் மனோ, சிபி திடீரென மனதில் ப்ளாஷ் ஆகி முறைக்கிறார்கள். அப்பாடா..போய்ட்டாங்க) குறிப்பெடுக்க தாள், மை இலவசமாக தரப்படாது என தாழ்மையுடன் தெரிவிக்கிறோம். 

* இலக்கியம், லோக்பால், வரலாற்று சம்பவங்கள் போன்ற திகில் கிளப்பும் விசயங்களை பேசினால் மைக் ஒயரை கட் செய்ய கேபிள் அண்ணன் கிஞ்சித்தும் தயங்கமாட்டார் என எச்சரிக்கை செய்யப்படுகிறது.

* பிரபல/சீனியர் பதிவரை முதல் முறையாக மாநாட்டில் பார்க்கும் யூத்/புதிய ப்ளாக்கர்கள் "நீங்க ப்ளாக் எழுதறீங்களா?" என்று எக்குத்தப்பாக கேள்வி கேட்டுவிட்டு செம அடி வாங்கினால் அவரை காப்பாற்ற ஒருவரும் வரமாட்டோம் என்பதை திட்டவட்டமாக அறிவிக்கிறோம்.
............................................................................

மாநாடு நடைபெறும் இடம்:

டிஸ்கவரி புக் பேலஸ்,
(முதல் மாடி)
6, முனுசாமி சாலை,
கே.கே.நகர்
சென்னை.
(பாண்டிச்சேரி கெஸ்ட் அவுஸ் அருகில்)
நாள்: செப்டம்பர் 4,2011.
நேரம்: மாலை 5 மணி
..........................................................

மாநாட்டிற்கு வலு சேர்க்க/ஆட்களை கோர்க்க தங்கள் கருத்துக்களை வரவேற்கிறோம்:

மேலும் விவரங்களுக்கு:


சிறப்பு பேச்சாளர்: 98403 32666

கௌரவ தலைவர்(புதிய பதிவர்): 80988 58248

வடசென்னை செமயூத் பதிவர்: 80158 99828

தென் சென்னை அல்டிமேட் பதிவர்: 98416 11301

சென்னை புறநகர் முன்னணி பதிவர்: 94432 75467
................................................................

ஆ...முக்கியமான விஷயம். மிஞ்சிப்போனா ஒரு கப் காபி அல்லது மோர் மட்டுமே வழங்கப்படும். ஒன்ஸ்மோர் கேட்டு கொந்தளித்து உண்ணாவிரதம் இருப்பவர்களுக்கு பேராதரவு அளிக்கப்படும்.




http://youtu.be/MT_mkzYdaCo
..............................................................

                                                                 
"செம காமடியான பதிவு. சிரிப்பு சிரிப்பா வந்திச்சி" என்று முதலில் போன் போட்டு சொன்ன நபருக்கு ஒரு செய்தி:

'தெய்வமே. இது காமடி பதிவல்ல. பயங்கர சீரியஸ் பதிவு. ட்ராபிக் ஜாம் செய்து சென்னையை குலுக்காமல் அமைதியாக மாநாட்டிற்கு வாங்க பிரதர்ஸ்/ சிஸ்டர்ஸ்'
..................................................................................

FLASH NEWS:
மாநாட்டிற்கு வரும் அனைவரின் போக்குவரத்து உள்ளிட்ட சகல செலவுகளுக்கான பணத்தை தானே தருகிறேன் என்று சென்னையின் பெரும் பணக்கார பதிவர் சிரிப்பு போலீஸ் ரமேஷ் உறுதி அளித்திருப்பதை ஒருமனதுடன் பாராட்ட கடமைப்பட்டு இருக்கிறோம்.
.................................................................................
..............
Posted by:

! சிவகுமார் !
.............